COMEZA A FESTA DA PITADomingo 5 de febreiro dará comezo o Entroido na cidade, coa celebración n’As Eiroás do Domingo Fareleiro; o que supón o inicio dunda nova edición da Festa da Pita, que chega este ano á súa 14ª edición
Vindeiro domingo 5 de febreiro vai dar comezo o ciclo do Entroido no barrio ourensán d’as Eiroás, e faino –un ano máis- coa celebración do Domingo Fareleiro, iniciando a súa particular celebración dunha nova edición da Festa da Pita (e xa van 14). A imaxe deste ano é un cartaz realizado polo artista e deseñador ourensán Miguel Suárez, que elixe novamente a máscara do barrio como fondo para albergar as datas da festa. Por outra parte, a cor da fita que pendurará do ombreiro da máscara da Pita neste 2012 será MARELA, pois desde a Asociación Amigas/os da Pita entendemos que 2011 supuxo o ano das revoltas sociais en medio mundo. O norte de África mudou o mapa socio-político e o noso entorno máis próximo (o Estado e mesmo a cidade) viviron concentracións emanadas do que se deu en chamar 15-M, que trascendeu a un bon número de países do mundo. Escóllese esta cor por ser unha das 2 cores (xunto ao negro) empregadas por este movimento. Asemade, e seguindo co costume de incluir as iniciais dos bebés nacidos dunha Pita ao longo do ano, a fita deste 2012 incluirá 3 iniciais, por outras tantas crianzas recén chegadas ao mundo no contorno da festa. O programa da festa deste ano segue a tónica das edicións anteriores: 05/02 DOMINGO FARELEIROPola mañá.- Recepción do Meco polas autoridades do barrioDesde as 5 da tarde.- farelo na praza, coa Charanga NOVA TERRA 12/02 DOMINGO OLEIROÁs 5 da tarde, máis ou menos.- Chegada das Olas á praza.Xogo das Olas coa Charanga OS CHISPAS 18/02 SÁBADO de ENTROIDOEntre lusco e fusco.- Folión do Entroido 21/02 MARTES de ENTROIDOPola mañá.- Pasa-rúas con máscaras e músicos
13 h.- Voda da Pita
Xantar dos noivos, coa Charanga CHUNDA-CHUNDA
Baile de disfraces coa Orquestra D’MOMENTO
Concursos e pasarelas de disfraces
Apartir das 9 da noite.- Queima do Meco
Envíanos o teu evento
