Plataforma Queremos Galego de Carral organiza un acto público ininterrompido en defensa da nosa lingua propia, con diferentes intervencións, lectura de textos literarios e actuacións musicais.O acto estará conducido por Quique Sanfiz, director de Radiofusión (Rede de emisoras municipais galegas) e no mesmo participarán entre outros Mario Gallego, Mercedes Queixas, Alfonso Blanco, Manuel Lourenzo,David Otero,Goretti Sanmartín, Carlos Callón ou Pilar Neira. Contará tamén coas actuacións musicais de Tino Baz, Miro Casabella,e A Quenlla, entre outros.

Achégasevos o cartaz do acto en formato PDF para que, de ser posíbel, contribuades á súa difusión. Sinalámosvos, por último, que o acto terá un carácter aberto á participación de cantas persoas e colectivas quixeran contribuír, quer lendo un texto da súa propia autoría quer calquera outro, sempre coa condición de que este sexa na nosa lingua.