Comenzamos ás 17:00 horas nas Tardes na Sala: Contacontos 'Crisol e a súa estrela' de Begoña Ibarrola, contado por María Romero. Coma sempre, o acceso e gratuíto.

As 19:30 horas chega ao Teatro Principal un dos espectáculos máis agardados: O conto musicado 'O parrulo feo'. Con música composta en exclusividade para este evento pola Banda de Música de Pontevedra e os contadores de Pavís Pavós que poñerán ás voces neste conto clásico. Unha produción inédita ´da que poderedes gozar única e exclusivamente no Salón do Libro.

Recomendado a partir de 4 anos. Podedes adquirir a vosa entrada na billeteira do Teatro dende unha hora antes do comezo a un prezo de 3,00 euros.

E rematamos este intenso día con risas: As 21:00 horas no Auditorio do Pazo da Cultura "Pelos na Lingua" de Talía Teatro.

Unha comedia destinada a todo o mundo (e non esaxeramos), independentemente da súa posición respecto á lingua: aos galego falantes, aos que non o son, aos que queren selo pero non se atreven, aos que si queren selo e tomaron esa determinación, aos que non o falan porque non o saben falar ben, aos que lles dá igual que se fale ou non, aos que pensan que o galego debería ser a lingua universal, aos que pensan que debería ser o inglés a lingua universal, aos que cren que, aos que cren que a maioría dos galegos falan galego, a políticos, a mestres, a alumnos, a actores, a actrices, a carpinteiros, a carpinteiras, a todos e a todas. Ao mundo enteiro, independentemente da súa lingua.

Un espectáculo cargado de sorna e estruturado en esqueches que falan dos usos e abusos que sofre a lingua galega para público xuvenil e adulto.