O Festival de Teatro Galego converte ao Carballiño no referente da escena

en

Galicia

Fetega, o único certame das súas características, inicia mañá a súa 23

edición, na que haberá representacións teatrais, espectáculos infantís,

obradoiros e un curso maxistral dirixido a profesionais

Ourense, 3 de setembro de 2012.- O Festival de Teatro Galego (Fetega), o

único das súas características que existe en Galicia, inicia mañá unha

nova

edición –a número 23-, que o converte nun dos eventos teatrais máis

veteranos de cantos se celebran en Galicia. Representacións teatrais,

espectáculos infantís, obradoiros e mesmo un curso maxistral para

profesionais do teatro, conforman o programa de actividades que se

desenvolverán entre mañá martes e o vindeiro venres no Auditorio do

Carballiño, co patrocinio da Deputación de Ourense e do Concello do

Carballiño e a colaboración de empresas privadas. “Todos eles fan posible,

segundo explicou na presentación Josi Lage, directora de Fetega, que o

festival puidese ser novamente unha realidade, a pesares das grandes

dificultades económicas. O esforzo das institucións e das empresas

privadas

permítenos achegar un ano máis coa máxima calidade as nosas propostas

teatrais ao público, e por elo quero expresar o noso maior agradecemento a

todos”.

No acto de presentación, que tivo lugar hoxe no Pazo Provincial,

acompañaron

a Josi Lage o vicepresidente da Deputación de Ourense, Rosendo Fernández,

e

o alcalde do Carballiño, Argimiro Marnotes. Fernández dixo que a

consolidación e permanencia no tempo de Fetega “é boa mostra do traballo,

ilusión e sacrificio do equipo que dirixe Josi Lage” e engadiu que eses

son

valores que a Deputación de Ourense apoia “e polos que merece seguir

apostando, a prol da nosa cultura e para que os cidadáns poidan dispoñer

dunha oferta cultura de alta calidade artística, como a que ofrece un ano

máis o Fetega”.

Pola súa banda, Argimiro Marnotes dixo que Fetega “é un dos principais

referentes do teatro en galego”, “e faise no Carballiño con vocación de

atraer a todos os entusiastas do teatro que se fai na nosa lingua, para

que

gocen estes días das obras escénicas feitas e representadas en galego por

actores consagrados e noveles”.

O orzamento para esta edición é de 18.000 euros, “o mesmo que tiñamos hai

dez anos”, explica Josi Lage, “o que non vai mermar a calidade dos

espectáculos, porque esa é a nosa máxima”. Lage destacou que este festival

é

o escollido pola maioría das compañías galegas para estrear novas obras

cada

ano, e neste senso, nesta edición estréase o mércores 5 de setembro “O

home

almofada”, de ilMaquinario Teatro, obra que conta no seu reparto con

Melania

Cruz, Fernando González, Fran Lareu e Laura Míguez, dirixidos por Tito

Asorey.

Mañá martes Luis Manquiña e Manuel Zahera poñen en escena “Monólogos

inocentes, obra coa que se abre o Fetega 2012, e o xoves, día 6, Teatro de

Ningures representa “Atra Bile”, dirixida por Etelvino Vázquez, e que

conta

no seu reparto con Sonia Rúa, Casilda Alfaro, Josi Lage, David Novas e

Fran

Paredes. Esta obra conmemora o seu 25 aniversario. Finalmente, o venres,

día

7, Sergio Pazos porá en escena o espectáculo “Sé galego my friend”, e terá

lugar a gala de entrega de premios.

Todas as funcións serán ás 22.30 horas, para o público adulto, e as

entradas, que se poderán mercar na taquilla do Auditorio do Carballiño,

terán un custe de 8 euros.

As actividades paralelas consistirán en espectáculos de rúa na Praza do

Concello todos os días ás 19.00 horas. O martes día 4: representación de

“O

galo Quirico”; o mércores día 5: obradoiro de marionetas; o xoves día 6:

representación de “Polichinela”, e o venres día 7: “A casa do rato”,

dramatización de xogos populares, a cargo de Títeres Viravolta.

Complétanse

estas actividades co curso maxistral de teatro “O corpo desinhibido, un

corpo a punto para actuar”, que será impartido polo director teatral

asturiano Etelvino Vázquez.