CURSOS PARA ADULTOS

 

 

 

DOCENTES

 

Ana Pereira Molares

 

José Manuel López Fernández

 

 

 

 

 

DATAS

 

 

Do 24/25 de outubro de 2012 ao 2/8 de maio de 2013

 

 

 

 

LUGAR

 

 

Salón de actos

 

 

 

 

HORARIO

 

 

Mércores, de 19.30 a 21.00

 

Xoves, de 19.30 a 21.00

 

 

 

Previa inscrición e matrícula

 

 

 

PRAZAS LIMITADAS

 

 

 

A partir de mañá martes 18 de setembro, está aberto o prazo de matrícula

para os dous cursos de adultos que terán lugar no MARCO nesta tempada

2012-2013, destinados a persoas interesadas en coñecer de primeira man os

principaiss movementos e autores da historia da arte contemporánea.

 

 

 

Nesta edición o MARCO ofrece dous novos cursos que se desenvolverán dende

outubro ata maio: 'Arte na Galicia do século XX' -un percorrido pola

historia da arte e a arquitectura en Galicia, da man de Ana Pereira

Molares- e 'Derivas da modernidade. Do cine clásico ao cine moderno

(1950-1980)', impartido por José Manuel López Fernández, cuxo programa se

centra na historia do cinema durante tres décadas clave no tránsito do

clasicismo á modernidade. En ambos ous dous casos, as sesións impartidas

polos directores do curso se completarán con algunhas intervencións a cargo

de relatores externos.

 

 

 

A matrícula dos cursos pecharase unha vez cubertas todas as prazas. Tanto

os programas detallados como as fichas de inscrición, información sobre

prezos de matrícula e descontos especiais están dispoñibles na taquilla do

MARCO (en horario de 11.00 a 14.30 e de 17.00 a 21.00 de martes a sábados,

e de 11.00 a 14.30 os domingos) e no apartado 'Actividades' da web

www.marcovigo.com <http://www.marcovigo.com/> , ou se poden solicitar a

través do correo-e pilar.souto@marcovigo.com.

 

 

 

Para esta edición dos cursos, e no marco do convenio asinado pola

Universidade de Vigo e a Fundación MARCO, está en marcha a solicitude para

a concesión de créditos de libre elección e créditos ECTS para alumnado da

Universidade de Vigo.

 

 

 

 

CURSO

 

'Arte na Galicia do século XX'

 

Percorrido pola historia da arte e a arquitectura en Galicia dende

principios de século ata os anos oitenta

 

 

 

Organiza: MARCO, Museo de Arte Contemporánea de Vigo

 

Docente: Ana Pereira Molares, coa participación de relatores externos

nalgunhas das sesións

 

Datas: do 24 octubre 2012 ao 8 maio 2013

 

Lugar: salón de actos

 

Horario: mércores, de 19.30 a 21.00

 

Previa inscrición e matrícula a partir do 18 setembro

 

 

 

Ao longo dos séculos XX e XXI, no territorio peninsular desenvólvese un

panorama artístico que se ben se vincula, con maior ou menor intensidade

según os momentos e os seus protagonistas, aos parámetros internacionais,

posúe ademais características que lle son propias e distintas, produto do

seu acontecer tanto artístico como extra artístico, do seu contexto social,

político e económico.

 

 

 

Neste complexo contexto, aparecen comportamentos diferenciados nos

distintos territorios, que son resultado de vivencias, tradicións e afáns

tamizados por circunstancias moi diversas. Este curso leva a cabo unha

aproximación á creación artística galega dos últimos cen anos, dende

principios do século XX ata os anos oitenta.

 

 

 

CURSO

 

'Derivas da modernidade. Do cine clásico ao cine moderno (1950-1980)'

 

Historia do cine durante tres décadas clave no tránsito do clasicismo á

modernidade

 

 

 

Organiza: MARCO, Museo de Arte Contemporánea de Vigo

 

Docente: José Manuel López Fernández, coa participación de relatores

externos nalgunhas das sesións Datas: do 25 outubro 2012 ao 2 maio 2013

 

Lugar: salón de actos

 

Horario: xoves, de 19.30 a 21.00

 

Previa inscrición e matrícula a partir do 18 setembro

 

 

 

A través de sesións temáticas e outras monográficas, preséntase un

panorama xeral da revolución que os novos cines dos anos sesenta -sen

olvidar as súas intuicións nos cincuenta e os seus ecos nos setenta-

orixinaron no modelo narrativo-clásico. Unha revolución que marcou o inicio

da modernidade.

 

 

 

Non obstante, lonxe da opinión de que a modernidade sería unha especie de

superación ou actualización do clasicismo, o curso trata de defender que

non é posible entendelos como dous compartimentos estancos, separados e

illados. Ao contrario, modernidade e clasicismo solápanse, contamínanse e

aliméntanse entre si, e é imposible entender os achados e revolucións da

primeira sen as derivas e fisuras do segundo.