O xenial grupo cubano, que imita a sonoridade dos instrumentos musicais cunha altísima fidelidade, foi o ganador do programa televisivo Factor X; firmou daquela con Sony Music para gravar o seu primeiro álbum nunha casa multinacional.

Como un vendaval musical, a enérxica posta en escena de Vocal Tempo deixa resolto ao seu paso todo un mar de dúbidas e o que xustamente define a súa sonoridade final en conxunto como algo sui generis son os arranxos, o extenso repertorio e as súas amplas capacidades tímbricas e expresivas.

O novo álbum do sexteto, titulado Vocal Tempo, é un dos exercicios de preciosismo musical que marcarán o futuro. Os seis cantantes cubanos que forman a banda cantan estritamente a cappella pero soan como unha orquestra de primeira. O baixo, coa voz; as guitarras, o mesmo; igual para a percusión e os metais. Un grupo de expertos 'cappellistas' cubanos que pasearon e pasean as súas voces por medio mundo.

Pero Vocal Tempo é moito máis que un exercicio de suprema destreza vocal. É un magnífico álbum de pop no que os seus intérpretes recrean temas como “Gotas de agua dulce” de Juanes; “Insoportable” de El Canto del Loco; “Clavado en un bar” de Maná; “Espaldas mojadas” de Tam Tam Go!; “Mambo n.º 5” de Pérez Prado y popularizado por Lou Bega; “Fulanito”, “País de arena”, “Respiro” y “Quédate” de “Roberto del Pino” (integrante de Vocal Tempo); “Mama” (de Raúl Paz)… Un repertorio moi ben escollido co que Vocal Tempo fai malabarismos mesturando outras marabillosas versións como “In The Mood” de Glenn Miller ou o “Rock Around The Clock” de Bill Haley, non limitándose a fotocopiar orixinais pero enriquecéndoos dunha maneira inspirada e abraiante que pode converter “Insoportable” en reggae ou “Espaldas mojadas” en guajira.