A súa exitosa traxectoria comezou no 1963 na cidade de Granada co nome de Los Ángeles Azules, denominación que mantiveron ata finais de 1966 cando ficharon pola discográfica Hispavox. A formación máis estable integrárona Alfonso González "Poncho", Carlos Álvarez, Agustín Rodríguez e Paco Quero. O guitarrista José Luis Avellaneda sustituiu a Agustín no 1972. Alcanzaron os seus maiores éxitos comerciais entre 1967 e 1971 con cancións como "98.6", “Mañana, mañana”, “Momentos”, “Mónica”, “Lo mucho que te quiero”, “Créeme” e “Abre tu ventana” entre outras. A fama do seu coro a catro voces deulles un sitio propio na paisaxe musical da época. Da súa colaboración con Trabuchelli xurdiron decenas de producións; “Momentos”, “Créeme”, “Pequeñas cosas” e “Mónica” conseguirían sublimalos no mercado hispanoamericano. Hoxe seguen alternado na súa axenda concertos tanto en España como en EEUU e América do Sur, sós ou con amigos e compañeiros de viaxe como Formula V, Los Diablos, Los Mustang, Módulos, Los Brincos, Mike Kennedy e outros moitos. A lenda de Los Ángeles está máis viva que nunca.