É son conseguido e consolidado por entende-la nosa música tradicional. Unha maneira propia e definida de conxugar moitos anos de festas, desfiles, ensaios, estudos e reflexión sobre a música tradicional galega. A banda leva moitos anos dedicados ao mundo da música tradicional galega, tanto no ámbito da ensinanza como no da construción de instrumentos musicais. Conxuga o son e o gusto da formación tradicional coas harmonizacións clásicas mesturando gaitas e percusión tradicionais co timbre da zanfona, o acordeón, a requinta e o clarinete. O seu repertorio é variado e alterna música de autor e tradicional. OS MINHOTOS é o resultado do aprecio de cinco músicos galegos pola música do seu País, Galicia, sen aditivos tanto na forma como no fondo; cando esgotan os recursos que brinda a música tradicional recorren á clásica para arranxa-las pezas que compoñen o seu repertorio.

OS MINHOTOS CELEBRAN CUNHA FESTA-CONCERTO O REMATE DO SEU TRABALLO DISCOGRÁFICO PINGA D´ AUGA

No concerto haberá sorpresas e o grupo contará con varias colaboracións que participaron na gravación do disco

 O grupo lucense OS

MINHOTOS celebrará, cunha festa-concerto, o remate do seu traballo discográfico PINGA D´AUGA. A festa-concerto celebrarase mañá venres, 18 de xaneiro, a partir das 23:30 no Club Clavicembalo de Lugo. Ademais dalgunha sopresa para os asistentes OS MINHOTOS interpretarán, entre outros, os temas do seu disco PINGA D´AUGA. Con esta celebración OS MINHOTOS pretenden compartir, con toda a xente que gusta da música galega, o remate dun proceso de creación que deu como froito esta PINGA D´AUGA.

 Un total de doce temas compoñen este traballo discográfico que pretende ser, como o nome do mesmo indica, “unha pinga minhota que contribúe a crear ese inmenso mar das músicas feitas neste país”. Moitos dos temas interpretados por OS MINHOTOS son arranxos de temas tradicionais pero tamén hai temas de autor e colaboracións de instrumentistas procedentes de diversas formacións.

 OS MINHOTOS é o son acadado e consolidado por un entender a nosa música tradicional, un xeito propio e definido que conxuga festas, pasacorredoiras, ensaios, estudos e reflexión sobor da música tradicional galega. OS MINHOTOS levan moitos anos adicados ao mundo da música tradicional galega, tanto no eido do ensino como no da construcción de instrumentos musicais.

 OS MINHOTOS combinan a estética e gusto da formación tradicional coas harmonizacións clásicas mesturando o son das gaitas e a percusión tradicionais co timbre da zanfona, o acordeón, a requinta e o clarinete; o seu repertorio e variado e alterna a música de autor coa tradicional.

 OS MINHOTOS é o resultado do aprecio de cinco músicos galegos pola música do seu País, Galiza; sen aditivos tanto na forma coma no fondo.

Os compoñentes de OS MINHOTOS son:

·Alberto Castro: Gaita, Pandeiro, Pandeireta, Bombo

·Bruno Villamor: Gaitas (Re, Do, Sol), Zanfona, Requinta, Pandeireta, Tamboril.

·Paula Fernández: Acordeón.

·Vitor Otero: Zanfona, Gaita, Percusións.

·Xaneco Tubío: Tamboril, Pandeiro, Pandeireta, Tixoletas, Ferriño, Bombo