Hai imaxes ás que o tempo non fai efecto. A dos Blues Brothers universalizouse a raíz da estrea da película de John Landis Granujas a todo ritmo no 1980 e aínda hoxe, máis de trinta anos despois, permanece intacta na memoria. O traxe, o sombreiro e os anteollos negros que John Belushi e Dan Aykroyd levaban no film, ao mesmo tempo que sostiñan un xesto grave e imperturbable, son xa elementos imprescindibles da realidade do século XX e motivo dun dos repertorios musicais máis populares de sempre. Javier Arias e Javier Baíllo, dous músicos leoneses aos que avala una moi dilatada traxectoria, expandida en numerosos proxectos, dirixiron a súa mirada ao afamado dúo e acabaron converténdoo no fundamento dunha nova empresa creativa. E así, transformados en Elwood e Jake Blues e dominados pola causa e o efecto dos Blues Brothers, idearon un espectáculo tributo que suma música e humor e alenta o público a participar.