Ante a “carta aberta” enviada polo grupo do PSdeG-PSOE ao presidente da Deputación de Ourense, a Presidencia desta institución da cumprida resposta, de seguido, se ben defende que existen outras formas máis áxiles, directas e eficaces de solicitar e remitir información, sobre todo cando se apela a eficiencia na xestión.

RESPOSTA:

Proyecto Europeo “ Ruta dos Rios”:

25-05-2012: Deuse acceso a calquera deputado (petición de Elvira Lama).

11-09-2012: Deuse novamente acceso a calquera deputado (Petición de Victoria Morenza).

26-09-2012: Enviáronse copias solicitadas por Victoria Morenza.

11-01-2013: Volve darse acceso por terceira vez al mesmo proxecto, a Ignacio Gómez.

13-03-2013: Solicitan de urxencia pasar a ver os documentos ao día seguinte.

Ante a queixe de que non se lle facilita información cabe salientar:

-Contestáronse ao redor de 400 preguntas en ano e medio, cunha media de 20 preguntas escritas ou de resposta en Pleno cada mes, o que supón máis de 4.000 folios de documentación enviada ao PSdeG-PSOE.

-Nunca se lle negou acceso a ninguna información, outra cousa é que a resposata non fose do seu agrado.

-Dado o volumen de información solicitada, nalgúns casos se lles deu acceso aos expedientes para a súa consulta e para que sinalen as copias que precisan.

-Nunca se lles puxo dificultades para acceder á documentación, concretando datas para visionar expedientes. Recentemente fíxose así na súa visita ao Inorde polo Proxecto Estaciones.

No que atinxe concretamente ao Proxecto Estaciones. O 15 de abril contestóuselles o seguinte:

- “En contestación á peticións de data 7 de marzo de 2013, con números de rexistro de entrada 5794 e 5795 , relacionadas co “ Proxecto Estaciones”, indícolle que o proxecto solicitado estará a súa disposición para a vista e explicación de cantas cuestións consideren oportunas por parte do xerente entre os días 22 e 26 de abril de 2013 ”.

A resposta do PSdeG-PSOE foi:

-Non acudiron e chamaro para ir o luns seguinte, pero non foron nin avisaron.

-A semana seguinte chamaron para solicitar ver o expediente. Dánselle todas as facilidades adaptándose ao horario que piden, volven cambar a hora e estiveron 90 minutos consultándoo.

En máis de 120 expedientes dos que pediron información non acudiron a consultala nin se excusaron, nin comunicaron a imposibilidade de acudir.

En contestación ás solicitudes con números de rexistro de entrada 23588, 23589, 23590 e 23725, infórmouselles que os expedientes estarían á súa disposición, para que, en horario de oficina, calquera deputado/a do Grupo do PSdeG-PSOE, poida realizar a consulta nas datas e lugares seguintes:

PROXECTO:

PEDECE, do 7 ó 11 outubro. CONTRATACIÓN

ESTACIONES VIVAS, do 14 ó 18 outubro. INORDE

ESTACIONES, do 21 ó 25 outubro. CONTRATACIÓN

PROFOREST, do 28 ó 31 outubro. INORDE

ILUMINA LIMA, do 4 ó 8 novembro. INORDE

VIANOVA, do 12 ó 15 novembro. INORDE

SONS E ACORDES, do 18 ó 22 novembro. INORDE

A petición do PSdeG-PSOE inclúe solicitude de datos do proyecto EET. Cabe salientar que nunca houbo ningún proxecto nin presentado nin xestionado, nin financiado con fondos estruturais (FEDER e FEADER) no que participara a Deputación de Ourense que atenda ao acrónimo EET.

En canto os inconvintes que manifesta o Grupo do PSdeG-PSOE na Deputación de Ourense para a realización do seu labor (alegando incompatibilidade para desenvolver o seu traballo), recoméndaselles que na vindeira lexislatura teñan en conta estas circunstancias e conformen o grupo socialista persoas que poidan exercer o seu traballo a prol dos cidadáns sen ningún tipo de problema, traballo que, por certo, na actualidade non fan de maneira altruista.