deseñado como “un espazo formativo, pero sobre todo creativo que ten como obxectivo espertar o fotógrafo que temos dentro de cada un de nós, de mobilizar a creatividade e mellorar as imaxes. Pretende ser un espacio para a práctica, no que re-aprender a mirar con ollo fotográfico a cidade na que vivimos, as paisaxes que visitamos, as persoas que nos rodean”.

Esta actividade promovida pola Deputación de Ourense é unha proposta de aprendizaxe que quere perdurar no tempo máis alá do propio obradoiro para así poder mellorar desde a autoformación e a autoaprendizaxe. Para os principiantes, a cámara será a ferramenta que lles abrirá a porta para ver o mundo doutro xeito. Para os que teñen xa certa experiencia, tentase que este obradoiro sexa un reto creativo e de enriquecemento.

O obradoiro prolongarase por espazo de cinco días (6, 8, 13, 15 e 20 de maio) en horario de 18:30 a 21:30 horas, e terá un gran compoñente práctico, no que os participantes buscarán novas miradas e novas perspectivas, tanto da nosa cidade coma do espazo do propio centro cultural. Esta actividade enmárcase nun programa máis amplo de novas propostas creativas e artísticas que fomenten a participación, a formación e a interacción entre creadores e sociedade que, dende o Centro Cultural “Marcos Valcárcel” se irán programando de maneira progresiva.