A concelleira de Saúde, Marga Martín, presentou esta mañá no Salón

de Plenos do Concello, o programa completo de actividades que dende a

Concellería de Saúde, queren por o broche final o programa de ocio

saudable para mozos, OciOurense, tras tres meses de actividades. Marga

Martín, estivo acompañada polos coordinadores da actividade César

Fernández e Marta Rodríguez.

Como peche do programa dende a Concellería propoñen tres actividades

onde poidan participar tanto os usuarios de OciOurense, como todos

aqueles que o desexen.

O sábado, 2 de xuño, dende as 17.00h e ata as 20.15h desenvolverase a

“Busca do Tesouro”, xogo de pistas que terá como punto de encontro

a Praza Maior e premiará a rapidez e destreza á hora de superar unha

serie de probas. Esta actividade está dirixida a maiores de 15 anos que

participarán no xogo por parellas, sendo premiadas as tres primeiras.

O mesmo sábado, día 2 de xuño, ás 22.00h na Praza Maior, haberá

unha ginkana sobre patíns que discorrerá ata o Parque de San Lázaro,

polas rúas Lamas Carvajal e rúa do Paseo.

A terceira e última actima actividade é a “Andaina sen fume polas

pontes” o domingo 3 de xuño, con saída ás 10.00h. dos xardíns de

Bispo Cesáreo (Alameda do Concello), e coa que se quere reforzar as

actividades que conmemoran o Día Mundial sen Tabaco, que se celebrará

o día 31 de maio. Con esta actividade quérese pór en valor que, cun

pequeno paseo, duns escasos 10.000 pasos, accesible para tódolas

idades, foméntanse hábitos de vida saudables.

Ó final desta andaina, duns 8km., haberá un sorteo entre os

participantes, de diversos premios relacionados con estilos de vida

saudables. O Concello de Ourense pretende, con esta iniciativa,

fomentar as rutas biosaudables que combinan os beneficios dunha

camiñata con paradas para o acondicionamento físico, e paralelamente

amósannos a cidade na que vivimos, dentro dun ambiente lúdico.

Andainas saudables

A Concellería de Saúde propón 3 saídas semanais a 3 circuítos

saudables da cidade, no Lonia os luns, Barbañica, os mércores, e no

Paseo das Ninfas, os venres, ó longo do mes de xuño, de 9.00h a

11.00h. Os tres circuítos contan con equipamento de máquinas e

estructuras fixas onde levar a cabo sesións de acondicionamento

físico, e requiren dun desprazamento polos paseos saudables da cidade,

para chegar ata eles.

A actividade busca xerar hábitos de vida saudable relacionados coa

actividade física e a alimentación, elaborar actividades para

estabilizar eses hábitos co obxectivo de que se prolonguen no tempo

para facer xustiza ó lema da Concellería de Saúde e do Día Mundial

da Saúde 2012, “Dalle vida aos anos” e empregar os espacios

biosaudables para favorecer as relacións sociais e as reunións coma

fonte de saúde emocional, desenvolvendo o compañerismo e a

solidariedade.

Todos aqueles interesados ou interesadas en participar en algunha das

tres actividades poden realizar a súa preinscrición antes do 30 de

maio, na Concellería de Saúde, na rúa concordia 20, entrechán, no

número de teléfono 988 510 622 ou enviando un correo electrónico ó

aderezo sanidade@ourense.es.

Ociourense

O Concello de Ourense pretende reforzar a protección dos rapaces

fronte ao consumo de drogas e tratar de remitir os seus danos,

promovendo actividades saudables e proporcionando ós mozos e mozas da

cidade unha alternativa para pasar a fin de semana, cunha ampla oferta

cultural, lúdica e formativs, dirixida a xóvenes de 15 a 30 anos, e

desenvoltas en diferentes espazos públicos da cidade.

A concelleira de Saúde, Marga Martín, fixo balance da ampla

participación no que vai da II edición deste programa con máis de 650

mozos e mozas inscritos, que puideron desfrutar de actividades como a

BTT ou o parkour, ou outras máis tradicionais como a cociña ou os

obradoiros de xogos tradicionais.

Ós 650 participantes súmanse os participantes nas actividades

abertas, coma o sendeirismo urbán, que contou de gran aceptación, as

andainas ou os xogos tradicionais.

As actividades máis concurridas nesta edición foron a patinaxe

nocturna, con 120 participantes, a escalada (56 inscricións), as clases

de baile (56 inscritos) ou os obradoiros de cócteles sen alcol, onde 62

mozos e mozas desfrutaron das claves para elaborar bebidas sen alcol.