Federico Garcia Lorca, súa vida e obra

na

SEMANA DAS LETRAS GALEGAS

Lorca e as flores de Venus, espectáculo de El producións Artisticas, compañia residente no Teatro Arte Livre- Vigo dos productores Eisenhower Moreno e Leandro Costa, será atración Silleda(17/05 ás 21:00h), Bandeira(21:00h) e Concello de Téo(19/05 ás 21:30h) nesta semana das letras Galegas.

Lorca e as Flores de Venus coa sinatura da autora Marga do Val (gañadora do Premio da Critica Española 2011, na modalidade de poesía, concedido pola AECL- Asociacion Española de Criticos Literários), con cancións orixinais de María Graña(cidadán de Cangas), vestiário, adrezos e produción de Leandro Costa é a segunda obra da Triloxía sobre a saga do masculino, do director e tamén protagonista Eisenhower Moreno, que tamén firma adaptación e estructuración teatral da obra.

Lorca e as Flores de Venus é unha homenaxe desta equipe de artistas, aos 75 anos de morte do home, poeta e mito Federico Garcia Lorca. Unha referencia histórica e poética mundialmente coñecida non sómante pola obra literaria, teatral e musical, como tamén súa vida que tanto inquieta polas controversias e pola propia inquietude, que o seu fin apresurado no sorprende. Un berro para reflexionar sobre a condición artística e poética de unha época que vivía unha problemática que aínda hoxe fai parte da nosa realidade: A homofobia, o racismo, o vida durante a II República Española, o golpe de estado contra a II República, a represión durante a ditadura franquista. Un mergullo nas obras de Lorca e nas investigacións sobre a súa vida para convocar o autor, revolucionario e o home.

No espectáculo Eisenhower Moreno é Lorca e as súas personaxes literarias e todas as personaxes que o acompañan na súa vida. Un proxecto arriscado, no que obríganos a trasladar o pasado ao presente, un espectáculo de hoxe. A aposta en escena, ten o obxectivo de explorar as moitas vertentes do lúdico, apoiase totalmente nas posibilidades de interpretación corporal, vocal e emocional do actor. Poucos aderezos e poucos obxectos de decorado dan espacio para que a historia gañe vida de forma áxil e cinematográfica, onde o teatro e a música se mesturan para crear unha atmosfera íntima.

Sinopse

Lorca e as Flores de Venus, trasládanos a 1936, Federico Garcia Lorca está só e en poder dos militares. Non sabe o destino que lle agarda, a dúbida o medo, a esperanza loitan no seu interior e obrígano a reflicte sobre a súa identidade de home: poeta, republicano e homosexual. Na procura de alento, busca refuxio nas súas lembranzas. Lembrar é algo gozoso e que lle transmite calma, as imaxes veñen acompañadas da música, música de piano ou envolta na voz da criada que trae as cancións penduradas na súa saia. Un diálogo con Deus, un drama no que el tamén é a personaxe principal, o autor, que observa con impotencia como a obra ten un remate inesperado, incomprensíbel e do que non se pode fuxir. O público, compañía, compañeiro constante, testemuñará, un xogo que obriga a tirar coas máscaras, para entregarse a maxia do neno que ten o sol e a lúa nas súas mans, aos gozos do mozo na aurora de Nova York, aos diálogos contundentes con Yerma, Mariana Pineda e Bernarda Alba, da inquietude, da insatisfacción e do desexo de existir da personaxe inacabada, do amor imposíbel, do erotismo das flores de Venus e no amor escuro que se desvela, enredado no círculo epéntico dos que crean e non procrean.

Un espectáculo que move, conmove... Mais atento, seu nome podería estar nesa chamada de morte.