Na fin de semana da ponte da Constitución, o mundo do entretemento, o deporte e a cultura terán unha nova cita en MEGAXOVE, 12º Salón da Xuventude, convertendo a Expourense no maior centro de lecer de Galicia.

 O seu obxectivo é reunir ós nenos e nenas e xoves así como as súas familias nunha inmensa aula de lecer con todo tipo de actividades, conxugando formación e diversión e potenciando valores como compañeirismo, a igualdade, o traballo en equipo ou a convivencia interxeracional.
 
O deporte é un dos grandes protagonistas de MEGAXOVE que continuará promocionando as disciplinas minoritarias para contribuír á difusión de alternativas menos coñecidas. Ademais das deportivas, outras propostas fomentarán a participación activas do público a través de xogos, exhibicións, torneos, obradoiros...
 
A implicación de clubes deportivos, asociacións xuvenís, o apoio de empresas e de institucións, fan posible un completo programa para todos os gustos, ao mesmo tempo que distintas entidades dan a coñecer a súa actividade dirixida á mocidade.