O Real Coro "Toxos e Froles" ten nestas datas de Nadal a axenda ben apretada.

O Xoves 22 viaxará a Arzúa para actuar na Casa da Cultura desta localidade, dentro da programación do Nadal 2011 que leva a cabo dito Concello. Ás 19.30 dará comenzo o acto cunha obra teatral a cargo da Aula de Teatro "Ánxel Casal" de Arzúa, para deseguido face-la súa actuación a masa coral do Toxos.

Ó día seguinte, venres 23, o Toxos actuará en Ferrol ás 17.30 na Praza de Armas nun primeiro pase; e despois dun percorrido pola rúa Dolores ata a Praza de Amboaxe, onde fará un segundo pase.

Asemade, o Real Coro "Toxos e Froles" quere felicitar a tódolos socios da entidade e convidalos a unha copa de cava para brindar por un bo Nadal e un ventureiro Ano 2012 ás 20.00 horas no Local Social da Rúa Magdalena 220, no que se sorteará entre os socios asistentes un lote de Nadal.

O día 24, Noiteboa, queremos informarvos que o Real Coro "Toxos e Froles" participará nun especial de Nadal que se emitirá a partir das 23.00 horas na TVG, xunto con "Cantigas e Agarimos" de Santiago, "De Ruada" de Ourense e o Grupo "Treixadura".

Tamén un cuarteto do Grupo Instrumental "Manuel Lorenzo" percorrerá as rúas de Ferrol Vello o día 30 ás 12.00 horas e fará o mesmo o día 31 no mesmo horario de mañán polas rúas de Canido.

A Xunta Directiva do Real Coro "Toxos e Froles"